ਚੰਡੀਗੜ੍ਹ: (ਸੁਖਵਿੰਦਰ ਬੰਟੀ ) ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ 28 ਮਾਰਚ ਤੋਂ ਸ਼ੁਰੂ ਹੋਵੇਗੀ ਫਿਜ਼ੀਕਲ ਸੁਣਵਾਈ ਹੋਵੇਗੀ ਇਹ ਅਦਾਲਤੀ ਕੰਮਾਂਨਾਲ ਜੁੜੇ ਲੋਕਾਂ ਲਈ ਕੰਮ ਦੀ ਖਬਰ ਹੈ। ਕੋਰੋਨਾ ਵਾਇਰਸ ਦੇ ਸਬੰਧ ਵਿੱਚ ਚੱਲ ਰਹੀਆਂ ਪਾਬੰਦੀਆਂ ਦੇ ਕਾਰਨ, ਵਰਚੁਅਲ ਮੋਡ ਵਿੱਚ ਚੱਲ ਰਹੀਆਂ ਅਦਾਲਤਾਂ ਦਾ ਕੰਮਕਾਜ ਹੁਣ ਹੌਲੀ-ਹੌਲੀ ਫਿਜੀਕਲ ਮੋਡ ਸੁਣਵਾਈ ਵਿੱਚ ਸੁਰੂ ਹੋ ਰਿਹਾ ਹੈ। ਇਸ ਦੌਰਾਨ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਵੀ ਸੁਣਵਾਈ ਫਿਜੀਕਲ ਮੋਡ ਵਿੱਚ ਕਰਨ ਦਾ ਫੈਸਲਾ ਕੀਤਾ ਹੈ। ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਇਸ ਮਹੀਨੇ 28 ਮਾਰਚ ਤੋਂ ਫਿਜੀਕਲ ਮੋਡ ਰਾਹੀਂ ਕੇਸਾਂ ਦੀ ਸੁਣਵਾਈ ਮੁੜ ਸੁਰੂ ਕਰੇਗੀ।
ਦਰਅਸਲ, ਪੰਜਾਬ-ਹਰਿਆਣਾ ਹਾਈ ਕੋਰਟ ਦੇ ਚੀਫ ਜਸਟਿਸ ਨੇ ਇਹ ਫੈਸਲਾ ਰਾਜਾਂ ਵਿੱਚ ਕੋਰੋਨਾ ਮਾਮਲਿਆਂ ਵਿੱਚ ਆਈ ਗਿਰਾਵਟ ਦੇ ਮੱਦੇਨਜਰ ਲਿਆ ਹੈ। ਹੁਕਮਾਂ ਵਿੱਚ ਸਪੱਸਟ ਕਿਹਾ ਗਿਆ ਹੈ ਕਿ ਹੁਣ ਕੇਸਾਂ ਦੀ ਸੁਣਵਾਈ ਵਰਚੁਅਲ ਨਹੀਂ, ਸਿਰਫ ਅਤੇ ਸਿਰਫ ਫਿਜੀਕਲ ਢੰਗ ਨਾਲ ਹੋਵੇਗੀ।
ਰਜਿਸਟਰਾਰ ਜਨਰਲ ਸੰਜੀਵ ਬੇਰੀ ਵੱਲੋਂ 24 ਮਾਰਚ ਨੂੰ ਜਾਰੀ ਹੁਕਮਾਂ ਵਿੱਚ ਕਿਹਾ ਗਿਆ ਹੈ ਕਿ ਪੰਜਾਬ, ਹਰਿਆਣਾ ਅਤੇ ਕੇਂਦਰ ਸਾਸਿਤ ਪ੍ਰਦੇਸ ਚੰਡੀਗੜ੍ਹ ਵਿੱਚ ਕੋਰੋਨਾ ਦੇ ਮਾਮਲਿਆਂ ਵਿੱਚ ਆਈ ਗਿਰਾਵਟ ਨੂੰ ਦੇਖਦੇ ਹੋਏ ਚੀਫ ਜਸਟਿਸ ਨੇ ਅੱਜ ਤੋਂ ਫਿਜੀਕਲ ਮੋਡ ਵਿੱਚ ਸੁਣਵਾਈ ਦੇ ਹੁਕਮ ਦਿੱਤੇ ਹਨ। ਇਸ ‘ਚ ਸਪੱਸਟ ਕਿਹਾ ਗਿਆ ਹੈ ਕਿ ਹਰ ਮਾਮਲੇ ਦੀ ਸੁਣਵਾਈ ਫਿਜੀਕਲ ਮੋਡ ‘ਚ ਹੀ ਹੋਵੇਗੀ।
ਇੰਨਾ ਹੀ ਨਹੀਂ, ਹੁਕਮ ‘ਚ ਇਹ ਵੀ ਸਪੱਸਟ ਕੀਤਾ ਗਿਆ ਹੈ ਕਿ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸੁਣਵਾਈ ਦੀ ਇਜਾਜਤ ਨਹੀਂ ਦਿੱਤੀ ਜਾਵੇਗੀ। ਔਨਲਾਈਨ ਨਿਗਰਾਨੀ ਪੋਰਟਲ ਨੂੰ ਵੀ ਅਯੋਗ ਕਰ ਦਿੱਤਾ ਜਾਵੇਗਾ। ਕੇਸਾਂ ਦਾ ਜਿਕਰ ਫਿਜੀਕਲ ਮੋਡ ਵਿੱਚ ਵੀ ਕੀਤਾ ਜਾਵੇਗਾ, ਜਿਵੇਂ ਕਿ ਇਹ ਕੋਰੋਨਾ ਪੀਰੀਅਡ ਤੋਂ ਪਹਿਲਾਂ ਸੀ। ਹਾਲਾਂਕਿ, ਅਦਾਲਤ ਦੇ ਅਹਾਤੇ ਵਿੱਚ ਮਾਸਕ ਪਹਿਨਣਾ ਅਜੇ ਵੀ ਲਾਜਮੀ ਮੰਨਿਆ ਜਾਂਦਾ ਹੈ।
previous post