Sukhwinder Bunty
ਚੰਡੀਗੜ੍ਹ : ਪੰਜਾਬ ਪੁਲਿਸ ਦੇ ਏਐਸਆਈ ਦਾ ਪਾਣੀ ਨੂੰ ਲੈ ਕੇ ਆਪਣੇ ਭਰਾ ਨਾਲ ਹੋਏ ਝਗੜੇ ਵਿੱਚ ਆਪਣੀ ਭਰਜਾਈ ਦਾ ਕਤਲ ਕਰ ਦਿੱਤਾ। ਮਾਮਲਾ ਮੰਗਲਵਾਰ ਰਾਤ 12 ਵਜੇ ਦੇ ਕਰੀਬ ਰਾਮਦਰਬਾਰ ਦਾ ਹੈ। ਪੁਲਿਸ ਦੀ ਜਾਣਕਾਰੀ ਅਨੁਸਾਰ ਦੋਸ਼ੀ ਦੀ ਪਛਾਣ ਹਰ ਸਵਰੂਪ ਵਜੋਂ ਹੋਈ ਹੈ।
ਹਰ ਸਵਰੂਪ ਅਤੇ ਉਸਦੇ ਭਰਾ ਦਾ ਪਹਿਲਾਂ ਪਾਣੀ ਨੂੰ ਲੈ ਕੇ ਝਗੜਾ ਹੋਇਆ ਸੀ। ਮਾਮਲਾ ਇੰਨਾ ਵੱਧ ਗਿਆ ਕਿ ਹਰ ਸਵਰੂਪ ਗੁੱਸੇ ਵਿੱਚ ਆ ਗਿਆ ਅਤੇ ਉਸਨੇ ਆਪਣੀ ਭਰਜਾਈ ਦਿੱਵਿਆ ਨੂੰ ਚਾਕੂ ਨਾਲ ਕਤਲ ਕਰ ਦਿੱਤਾ। ਹਰ ਸਵਰੂਪ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਹੈ।
ਦੇਰ ਰਾਤ ਜਦੋਂ ਹਰ ਸਵਰੂਪ ਨੇ ਆਪਣੀ ਭਾਬੀ ਨੂੰ ਮਾਰ ਦਿੱਤਾ ਤਾਂ ਅੱਜ ਗੁਆਂਢ ਦੇੀਆਂ ਨੇ ਇਸ ਦ ਸੂਚਨਾ ਪੁਲਿਸ ਨੂੰ ਦਿੱਤੀ। ਹਰ ਸਵਰੂਪ ਨੂੰ ਗ੍ਰਿਫਤਾਰ ਕੀਤਾ ਅਤੇ ਮੌਕੇ ਤੋਂ ਇੱਕ ਚਾਕੂ ਵੀ ਬਰਾਮਦ ਕੀਤਾ। ਪੁਲਿਸ ਹਰਸਵਰੂਪ ਨੂੰ ਮੈਡੀਕਲ ਜਾਂਚ ਲਈ ਅਦਾਲਤ ਵਿੱਚ ਪੇਸ਼ ਕਰੇਗੀ।
ਹਰਸਵਰੂਪ ਨੇ ਨਾ ਸਿਰਫ ਆਪਣੀ ਭਾਬੀ ਦਿਵਿਆ ਨੂੰ ਚਾਕੂ ਨਾਲ ਕਤਲ ਕਰ ਦਿੱਤਾ, ਸਗੋਂ ਆਪਣੇ ਭਰਾ ਪ੍ਰੇਮ ਨੂੰ ਵੀ ਇਸ ਹਮਲੇ ਵਿੱਚ ਬੁਰੀ ਤਰ੍ਹਾਂ ਜ਼ਖਮੀ ਕਰ ਦਿੱਤਾ। ਉਸ ਨੂੰ ਤੁਰੰਤ ਇਲਾਜ ਲਈ ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ ਸੈਕਟਰ-32 ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਿਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ।
ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦਿਵਿਆ ਦੇ ਭਰਾ ਅਭਿਨੰਦਨ ਨੇ ਦੱਸਿਆ ਕਿ ਉਸ ਦੀਆਂ ਦੋਵੇਂ ਭੈਣਾਂ ਦਾ ਵਿਆਹ ਇੱਕੋ ਘਰ ਵਿੱਚ ਹੋਇਆ ਸੀ। ਉਸ ਦੀ ਭੈਣ ਨੂੰ ਚਾਕੂ ਨਾਲ ਕਤਲ ਕਰਨ ਵਾਲੇ ਹਰ ਸਵਰੂਪ ਦੀ ਪਤਨੀ ਵੀ ਉਸ ਦੀ ਭੈਣ ਹੈ। ਦੋਵੇਂ ਭਰਾ ਰਾਮਦਰਬਾਰ ਦੇ ਇੱਕ ਘਰ ਵਿੱਚ ਉੱਪਰ ਅਤੇ ਹੇਠਾਂ ਰਹਿੰਦੇ ਹਨ ਦੋਵਾਂ ਭਰਾਵਾਂ ਵਿਚ ਅਕਸਰ ਪਾਣੀ ਦੀ ਸਪਲਾਈ ਨੂੰ ਲੈ ਕੇ ਝਗੜੇ ਹੁੰਦੇ ਰਹਿੰਦੇ ਸਨ। ਜਦੋਂ ਕੱਲ੍ਹ ਝਗੜਾ ਚੱਲ ਰਿਹਾ ਸੀ, ਉਸਦੀ ਭੈਣ ਦਿਵਿਆ ਨੂੰ ਹਰਸਵਰੂਪ ਵਿੱਚ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ।
