ਪੀਐਸ ਮਿੱਠਾ
ਬਠਿੰਡਾ 17 ਫਰਵਰੀ : ਬਠਿੰਡਾ ਤੋ ਆਪ ਦੇ ਉਮੀਦਵਾਰ ਜਗਰੂਪ ਗਿੱਲ ਨੂੰ ਬਠਿੰਡਾ ਦੇ ਲੋਕਾਂ ਦਾ ਭਰਵਾਂ ਸਮਰਥਨ ਮਿਲ ਰਿਹਾ ਹੈ। ਲੋਕ ਆਪ ਮੁਹਾਰੇ ਹੀ ਆਪ ਪਾਰਟੀ ਨੂੰ ਸਮਰਥਨ ਦੇ ਰਹੇ ਹਨ। ਜਿਸਦਾ ਕਾਰਨ ਉਨਾਂ ਦੀ ਇਮਾਨਦਾਰ, ਲੋਕ ਪੱਖੀ ਅਤੇ ਮੇਹਨਤੀ ਸਖਸੀਅਤ ਹੋਣਾ ਹੈ। ਬਠਿੰਡਾ ਦੇ ਵਾਰਡ ਇਕ ਨੰਬਰ ਤੋ ਸੈਕੜੇ ਲੋਕਾਂ ਨੇ ਅੱਜ ਕਾਂਗਰਸ ਦਾ ਪੱਲਾ ਛੱਡ ਦੇ ਆਪ ਦਾ ਪੱਲਾ ਫੜ ਲਿਆ ਹੈ। ਆਪ ਪਾਰਟੀ ਦੇ ਸਰਗਰਮ ਅਤੇ ਮੋਹਰੀ ਆਗੂ ਰਾਜੇਸ਼ ਬਾਂਸਲ ਅਤੇ ਡਾ: ਤਰਸੇਮ ਗਰਗ ਨੇ ਦੱਸਿਆ ਕਿ ਲੋਕਾਂ ਨੇ ਰਵਾਇਤੀ ਪਾਰਟੀਆਂ ਨੂੰ ਛੱਡ ਕੇ ਆਪ ਦਾ ਪੱਲਾ ਫੜਨਾ ਸੁਰੂ ਕਰ ਦਿੱਤਾ ਹੈ ਜਿਸਦਾ ਕਾਰਨ ਬਠਿੰਡਾ ਦੇ ਉਮੀਦਵਾਰ ਜਗਰੂਪ ਗਿੱਲ ਦਾ ਇਮਾਨਦਾਰ ਅਤੇ ਮੇਹਨਤੀ ਹੋਣਾ ਅਤੇ ਭਗਵੰਤ ਮਾਨ ਦਾ ਲੋਕਾਂ ਵਿੱਚ ਵਿਚਰਕੇ ਕੰਮ ਕਰਵਾਉਣਾ ਹੈ। ਉਨਾਂ ਦਾਅਵਾ ਕੀਤਾ ਕਿ ਪੰਜਾਬ ਵਿੱਚ ਆਪ ਪਾਰਟੀ ਦੀ ਹਨੇਰੀ ਚੱਲ ਰਹੀ ਹੈ ਅਤੇ ਪੰਜਾਬ ਦੇ ਲੋਕਾਂ ਨੇ ਭਗਵੰਤ ਮਾਨ ਨੂੰ ਮੁੱਖ ਮੰਤਰੀ ਬਣਾਉਣਾ ਧਾਰ ਲਿਆ ਹੈ। ਉਨਾਂ ਕਿਹਾ ਬਠਿੰਡਾ ਲੋਕਾਂ ਨੇ ਕਾਂਗਰਸ, ਸ੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਨੂੰ ਅਜਮਾ ਚੁੱਕੇ ਹਨ । ਉਨਾਂ ਲੋਕਾਂ ਨੂੂੰ ਅਪੀਲ ਕੀਤੀ ਕਿ ਇਸ ਵਾਰ ਪੰਜਾਬ ਵਿੱਚ ਆਪ ਦੀ ਸਰਕਾਰ ਬਣਾਕੇ ੳਸਦੀ ਕਾਰਗੁਜਾਰੀ ਜਰੂਰ ਦੇਖਣ।
