Parmeet Mitha
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਨੂੰ ਮਾਤ ਦੇਣ ਲਈ ਦੇਸ਼ ‘ਚ ਵੈਕਸੀਨੇਸ਼ਨ ਦਾ ਕੰਮ ਜਾਰੀ ਹੈ। ਇਸ ਵਿਚ ਵੈਕਸੀਨ ਦੀਆਂ ਨੀਤੀਆਂ ਵਿਚ ਲਗਾਤਾਰ ਬਦਲਾਵ ਵੀ ਹੋ ਰਿਹੈ। ਹੁਣ ਜੇਕਰ ਕਿਸੇ ਵਿਅਕਤੀ ਨੂੰ ਕੋਰੋਨਾ ਵਾਇਰਸ ਹੁੰਦਾ ਹੈ, ਤਾਂ ਰਿਕਵਰ ਹੋਣ ਦੇ ਕਰੀਬ ਨੌ ਮਹੀਨੇ ਬਾਅਦ ਹੀ ਉਸਨੂੰ ਟੀਕਾ ਲੱਗ ਸਕਦਾ ਹੈ।
ਨੇਸ਼ਨਲ ਐਕਸਪਰਟ ਗਰੁੱਪ ਆਨ ਵੈਕਸੀਨ ਐਡਮਿਨਿਸਟਰੇਸ਼ਨ (NEGVAC) ਵੱਲੋਂ ਛੇਤੀ ਹੀ ਇਸ ਉੱਤੇ ਫੈਸਲਾ ਕੀਤਾ ਜਾ ਸਕਦਾ ਹੈ, ਗਰੁੱਪ ਨੇ ਰਿਕਵਰੀ ਦੇ ਨੌ ਮਹੀਨੇ ਬਾਅਦ ਹੀ ਟੀਕਾ ਲਗਵਾਣ ਦਾ ਸੁਝਾਅ ਦਿੱਤਾ ਹੈ। ਦੱਸ ਦਈਏ ਕਿ ਹਾਲ ਹੀ ਵਿਚ ਇਸ ਵਕਤ ਨੂੰ 6 ਮਹੀਨੇ ਕੀਤਾ ਗਿਆ ਸੀ, ਪਰ ਹੁਣ ਇਹ ਨੌ ਮਹੀਨੇ ਤੱਕ ਵਧਾਇਆ ਜਾ ਸਕਦਾ ਹੈ।
ਐਕਸਪਰਟ ਗਰੁੱਪ ਦੇ ਵੱਲੋਂ ਦਿੱਤੀ ਜਾਣਕਾਰੀ ਨੂੰ ਵੇਖਦੇ ਹੋਏ ਇਸ ਤਰ੍ਹਾਂ ਦਾ ਸੁਝਾਅ ਦਿੱਤਾ ਗਿਆ ਹੈ। ਭਾਰਤ ਵਿਚ ਕੋਰੋਨਾ ਦੀ ਪਹਿਲੀ ਲਹਿਰ ਦੇ ਦੌਰਾਨ ਰਿਇਨਫੈਕਸ਼ਨ ਦਾ ਰੇਟ 4.5 ਫੀਸਦੀ ਤੱਕ ਸੀ, ਇਸ ਦੌਰਾਨ 102 ਦਿਨ ਦਾ ਅੰਤਰ ਦੇਖਣ ਨੂੰ ਮਿਲਿਆ ਸੀ। ਉਥੇ ਹੀ, ਕੁੱਝ ਦੇਸ਼ਾਂ ਵਿਚ ਸਟਡੀ ਵਿਚ ਪਾਇਆ ਗਿਆ ਹੈ ਕਿ ਕੋਰੋਨਾ ਪਾਜ਼ੇਟਿਵ ਦੇ ਬਾਅਦ 6 ਮਹੀਨੇ ਤੱਕ ਇੰਮੀਊਨਿਟੀ ਰਹਿ ਸਕਦੀ ਹੈ, ਇਸ ਲਈ ਇੰਨਾ ਵਕਤ ਜ਼ਰੂਰੀ ਹੈ।
ਹਾਲਾਂਕਿ, ਜਦੋਂ ਕੋਰੋਨਾ ਮਹਾਂਮਾਰੀ ਹੁਣ ਵੀ ਜਾਰੀ ਹੈ, ਅਜਿਹੇ ਵਿਚ ਰਿਇਨਫੈਕਸ਼ਨ ਦੀ ਸੰਭਾਵਨਾ ਬਣੀ ਹੋਈ ਹੈ। ਅਜਿਹੇ ਵਿਚ ਜੇਕਰ ਕਿਸੇ ਨੂੰ ਪਹਿਲੀ ਜਾਂ ਦੂਜੀ ਡੋਜ਼ ਲਈ ਇੰਤਜਾਰ ਕਰਨਾ ਪੈਂਦਾ ਹੈ, ਤਾਂ ਇਹ ਲਾਭਕਾਰੀ ਵੀ ਹੋ ਸਕਦਾ ਹੈ।
ਹਾਲ ਹੀ ਵਿਚ ਬਦਲੇ ਗਏ ਸਨ ਨਿਯਮ
ਤੁਹਾਨੂੰ ਦੱਸ ਦਈਏ ਕਿ ਵੈਕਸੀਨੇਸ਼ਨ ਨੂੰ ਲੈ ਕੇ ਹਾਲ ਹੀ ਵਿਚ ਵੀ ਨਿਯਮਾਂ ਵਿਚ ਕੁੱਝ ਬਦਲਾਵ ਕੀਤਾ ਗਿਆ ਸੀ। ਜਿਸਦੇ ਤਹਿਤ ਹੁਣ ਕੋਰੋਨਾ ਵੈਕਸੀਨ ਦੀ ਦੂਜੀ ਡੋਜ਼ ਲਈ 12 ਤੋਂ 16 ਹਫਤੇ ਇੰਤਜਾਰ ਕਰਨਾ ਪਵੇਗਾ, ਕੋਵਿਨ ਦੇ ਪੋਰਟਲ ਉੱਤੇ ਵੀ ਹੁਣ ਦੂਜੀ ਡੋਜ ਦਾ ਆਪਸ਼ਨ 84 ਦਿਨ ਬਾਅਦ ਵਿਖ ਰਿਹਾ ਹੈ।
ਉਥੇ ਹੀ, ਕੋਵਿਡ ਤੋਂ ਠੀਕ ਹੋਏ ਵਿਅਕਤੀ ਨੂੰ ਪਹਿਲਾਂ 6 ਮਹੀਨੇ ਤੱਕ ਇੰਤਜਾਰ ਦੀ ਗੱਲ ਸੀ, ਪਰ ਹੁਣ ਇਹ ਨੌ ਮਹੀਨੇ ਤੱਕ ਹੋ ਸਕਦੀ ਹੈ। ਉਥੇ ਹੀ, ਗਰਭਵਤੀ ਔਰਤ ਦੇ ਕੋਲ ਡਿਲੀਵਰੀ ਦੇ ਬਾਅਦ ਵੈਕਸੀਨ ਲੈਣ ਦਾ ਆਪਸ਼ਨ ਹੈ।