Ravinder Kumar
Chandigarh : ਪੰਜਾਬ ਵਿਚ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਸਾਰੀਆਂ ਸਿਆਸੀ ਪਾਰਟੀਆਂ ਸਰਗਰਮ ਹਨ। ਹਰੇਕ ਪਾਰਟੀ ਵੱਲੋਂ ਮੀਟਿੰਗਾਂ ਦਾ ਸਿਲਸਿਲਾ ਜਾਰੀ ਹੈ। ਅੱਜ ਪ੍ਰੈੱਸ ਕਾਨਫਰੰਸ ਕਰਦਿਆਂ ਭਾਜਪਾ ਪ੍ਰਧਾਨ ਅਸ਼ਵਨੀ ਸ਼ਰਮਾ ਨੇ ਦੱਸਿਆ ਕਿ ਅੱਜ ਵੱਖ-ਵੱਖ ਪਾਰਟੀਆਂ ਦੇ ਕਈ ਮੈਂਬਰਾਂ BJP ਵਿਚ ਸ਼ਾਮਲ ਹੋਏ।
ਜਿਸ ਵਿਚ ਸ਼ਮਿੰਦਰ ਸਿੰਘ ਬੀ. ਐੱਸ. ਪੀ. ਤੋਂ ਜਨਰਲ ਸਕੱਤਰ ਦੇ ਅਹੁਦੇ ‘ਤੇ ਸਨ, ਭਾਜਪਾ ਵਿਚ ਸ਼ਾਮਲ ਹੋ ਗਏ। ਅਮਰਸਰ ਰੂਰਲ ਨੂੰ ਛੱਡ ਕੇ ਭਾਜਪਾ ਵਿਚ ਸ਼ਾਮਲ ਹੋਏ। ਰੋਕੀ ਕਥੂਰੀਆ ਆਪ ਪਾਰਟੀ ਤੋਂ ਬੀਜੇਪੀ ਵਿਚ, ਸੁਖਬੀਰ ਸਿੰਘ ਸ਼ਾਲੀਮਾਰ ਬੀ.ਐੱਸ. ਪੀ. ਐੱਸ. ਸੀ. ਮੋਰਚਾ ਛੱਡ ਭਾਜਪਾ ‘ਚ, MP ਸਿੰਘ ਗੋਰਾਇਆ BSP ਛੱਡ ਭਾਜਪਾ ਵਿਚ ਸ਼ਾਮਲ ਹੋਏ।
ਇਸੇ ਤਰ੍ਹਾਂ ਰਾਮ ਸਿੰਘ ਧੀਮਾਨ 2014 ਵਿਚ BSP ਤੋਂ ਲੋਕ ਸਭਾ ਚੋਣ ਲੜ ਚੁੱਕੇ ਹਨ, ਜਸਵੰਤ ਸਿੰਘ BSP ਦੇ BC ਮੋਰਚੇ ਤੋਂ, ਅਜੀਤ ਸਿੰਘ ਬਟਾਲਾ ਤੋਂ, ਬਲਦੇਵ ਸਿੰਘ, ਦੇਸ ਸਿੰਘ, ਪ੍ਰੋਫੈਸਰ ਮਨਜਿੰਦਰ ਸਿੰਘ, ਨਵਦੀਪ ਸਿੰਘ, ਪ੍ਰਿਥਵੀ ਰਾਜ, ਰਾਜ ਕੁਮਾਰ, ਸੁਖਦੇਵ ਸਿੰਘ, ਦਵਿੰਦਰ ਸਿੰਘ ਮੁਕਤਸਰ, ਸੁਖਪਾਲ ਸਿੰਘ ਬਰਾੜ, ਬਿਜਲੀ ਬੋਰਡ ਦੇ ਆਗੂ ਅਮਰੀਕ ਸਿੰਘ ਟਰਾਂਸਪੋਰਟਰ, ਪਰਮਜੀਤ ਸਿੰਘ ਕਾਂਗਰਸ SC ਸੈੱਲ ਤੋਂ, ਉਪਿੰਦਰ ਸਿੰਘ, ਰਾਜ ਕੌਰ, ਗੁਰਮੁਖ ਸਿੰਘ RMP ਡਾਕਟਰ, ਅਸ਼ਵਨੀ ਕੁਮਾਰ ਸਟੂਡੈਂਟ ਭਾਜਪਾ ਵਿਚ ਸ਼ਾਮਲ ਹੋਏ।
ਇਸ ਮੌਕੇ ਭਾਜਪਾ ਪ੍ਰਧਾਨ ਅਸ਼ਵਨੀ ਸ਼ਰਮਾ ਨੇ ਕਿਹਾ ਕਿ ਜਿਸ ਤਰੀਕੇ ਨਾਲ ਲੋਕ ਸਾਡੇ ਨਾਲ ਜੁੜ ਰਹੇ ਹਨ ਅਤੇ ਸਾਰੇ ਧਰਮਾਂ ਦੇ ਲੋਕ ਇਸ ਵਿਚ ਸ਼ਾਮਲ ਹੋ ਰਹੇ ਹਨ, ਇਸ ਦਾ ਇਕ ਕਾਰਨ ਇਹ ਹੈ ਕਿ ਲੋਕ ਸਮਝਦੇ ਹਨ ਕਿ ਅਸੀਂ ਸਮਾਜ ਦੇ ਹਰ ਵਰਗ ਦੇ ਨਾਲ ਹਾਂ ਅਤੇ ਹਰ ਇਕ ਦਾ ਪੰਜਾਬ ‘ਤੇ ਬਰਾਬਰ ਦਾ ਹੱਕ ਹੈ। ਸਮਾਜਿਕ ਅਤੇ ਰਾਜਨੀਤਿਕ ਤੌਰ ‘ਤੇ ਸਾਰਿਆਂ ਦਾ ਅਧਿਕਾਰ ਹੈ, ਪਰ ਪੰਜਾਬ ਵਿਚ ਸਮਾਜਿਕ ਏਕਤਾ ਦੀ ਸਥਿਤੀ ਸਰਕਾਰਾਂ ਵਿਚ ਦਿਖਾਈ ਨਹੀਂ ਦਿੰਦੀ।ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਨੇ ਮੰਤਰੀ ਮੰਡਲ ਦਾ ਵਿਸਥਾਰ ਕੀਤਾ ਹੈ, ਤਦ ਸਾਰਾ ਦੇਸ਼ ਇਸ ਵਿਚ ਵੇਖਣ ਨੂੰ ਮਿਲਿਆ ਹੈ, ਜਿਸ ਵਿਚ ਹਰ ਦਿਸ਼ਾ ਤੋਂ ਆਗੂ ਆਏ ਹਨ।
ਐਸਸੀ, ਐੱਸ. ਟੀ. ਨੂੰ ਸਮਾਜ ਵਿਚ ਬਰਾਬਰ ਦੇ ਅਧਿਕਾਰ ਦਿੱਤੇ ਗਏ ਤੇ ਨਾਲ ਹੀ 11 ਔਰਤਾਂ ਨੂੰ ਮੰਤਰੀ ਮੰਡਲ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।ਹਰ ਵਰਗ ਨੂੰ ਰਾਜਨੀਤਕ ਹਿੱਸੇਦਾਰੀ ਮਿਲਣੀ ਚਾਹੀਦੀ ਹੈ। ਪੰਜਾਬ ਵਿਚ ਹਰ ਦਿਨ ਨਵੇਂ-ਨਵੇਂ ਐਲਾਨ ਹੋ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸਾਰੇ ਪੰਜਾਬੀਆਂ ਦਾ ਸੀ. ਐੱਮ. ਅਹੁਦੇ ‘ਤੇ ਹੱਕ ਹੈ ਤਾਂ ਇਹੀ ਐਲਾਨ ਕਰ ਦਿਓ। ਹੋ ਸਕਦਾ ਹੈ ਕਿ ਵਾਲੇ ਦਿਨਾਂ ਵਿਚ 3 ਡਿਪਟੀ ਸੀ.ਐੱਮ. ਹੋਣ।
ਬੀਜੇਪੀ ਅਜਿਹਾ ਪੰਜਾਬ ਬਣਾਉਣਾ ਚਾਹੁੰਦੀ ਹੈ ਜਿਸ ਵਿਚ ਹਰ ਕੋਈ ਮਹਿਸੂਸ ਕਰੇ ਕਿ ਇਹ ਮੇਰਾ ਪੰਜਾਬ ਹੈ। ਹੁਣ ਨਵੇਂ ਲੋਕ ਇਸ ਤੋਂ ਪ੍ਰਭਾਵਿਤ ਹੋ ਰਹੇ ਹਨ ਅਤੇ ਵੱਡੇ ਲੀਡਰ ਜੋ ਪੰਜਾਬ ਬਾਰੇ ਸੋਚਦੇ ਹਨ ਉਹ ਵੀ ਭਾਜਪਾ ਵਿਚ ਸ਼ਾਮਲ ਹੋ ਜਾਣਗੇ, ਜਦੋਂ ਕਿ ਮੌਜੂਦਾ ਸਰਕਾਰ ਘਰ ਦੀ ਲੜਾਈ ਲੜਨ ਵਿਚ ਲੱਗੀ ਹੋਈ ਹੈ ।
ਜੇ ਪੰਜਾਬ ਵਿੱਚ ਭਾਜਪਾ ਦੀ ਸਰਕਾਰ ਬਣਦੀ ਹੈ ਤਾਂ ਸਮਾਜਿਕ ਚੰਗਾ ਮਾਹੌਲ ਪੰਜਾਬੀਆਂ ਨੂੰ ਦਿੱਤੀ ਜਾਵੇਗਾ। ਸੀ.ਐੱਮ ਨੇ ਪ੍ਰਧਾਨ ਮੰਤਰੀ ਨੂੰ ਇੱਕ ਪੱਤਰ ਲਿਖਿਆ ਹੈ ਕਿ ਉਹ ਕਿਸਾਨਾਂ ਨਾਲ ਗੱਲਬਾਤ ਕਰਨ ਇਸ ‘ਤੇ ਸ਼ਰਮਾ ਨੇ ਕਿਹਾ ਕਿ ਇਹ ਇਕ ਰਾਜਨੀਤਿਕ ਪੱਤਰ ਵਿਹਾਰ ਹੈ ਕਿਉਂਕਿ ਕੇਂਦਰ ਕਿਸਾਨਾਂ ਨਾਲ ਗੱਲਬਾਤ ਕਰਨ ਲਈ ਤਿਆਰ ਹੈ। ਮੁੱਖ ਮੰਤਰੀ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਰਾਜ ਵਿਚ ਅਮਨ-ਕਾਨੂੰਨ ਦੀ ਵਿਵਸਥਾ ਕਰੇ। ਸਿੱਧੂ ‘ਤੇ, ਸ਼ਰਮਾ ਨੇ ਕਿਹਾ ਕਿ ਉਹ ਪੰਜਾਬ ਦੀਆਂ ਕਾਰਵਾਈਆਂ ਲਈ ਨਹੀਂ ਲੜਦੇ। ਸਿੱਧੂ ਦੀ ਘਰ ਵਾਪਸੀ ‘ਤੇ ਸ਼ਰਮਾ ਨੇ ਕਿਹਾ ਕਿ ਉਹ ਸਾਢੇ ਚਾਰ ਸਾਲਾਂ ਤੋਂ ਨਹੀਂ ਬੋਲਿਆ ਹੁਣ ਉਹ ਸੱਤਾ ਦੀ ਲੜਾਈ ਲੜ ਰਹੇ ਹਨ।ਇਹ ਇੱਕ ਕਾਲਪਨਿਕ ਸਵਾਲ ਹੈ।
