Parmeet
ਚੰਡੀਗੜ੍ਹ, 11 ਮਈ । ਪਾਕਿਸਤਾਨ ਨੇ ਇਕ ਵਾਰ ਫਿਰ ਤੋਂ ਪੰਜਾਬ ਦੇ ਰਸਤੇ ਡਰੋਨ ਘੁਸਪੈਠ ਕੀਤੀ ਹੈ। ਬੀ. ਐਸ. ਐਫ. ਨੇ ਕਰੀਬ 15 ਮਿੰਟ ਤੱਕ ਡਰੋਨ ਦਾ ਪਿੱਛਾ ਕਰਕੇ ਉਸਨੂੰ ਵਾਪਸ ਭਜਾ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ ਬੀ. ਐਸ. ਐਫ. ਦੇ ਜਵਾਨ ਰੋਜ਼ਾਨਾ ਦੀ ਤਰ੍ਹਾਂ ਮੰਗਲਵਾਰ ਦੀ ਰਾਤ ਸਰਹੱਦੀ ਖੇਤਰ ਵਿਚ ਗਸ਼ਤ ਕਰ ਰਹੇ ਸਨ।
ਇਸ ਦੌਰਾਨ ਫਿਰੋਜਪੁਰ ਸੈਕਟਰ ਅਧੀਨ ਆਉਦੀ ਬੀ. ਓ. ਪੀ. ਜੈਨ ਮੁਹੰਮਦ ਚੌਂਕੀ ਦੇ ਖੇਤਰ ਵਿਚ ਪਾਕਿਸਤਾਨ ਵੱਲੋਂ ਇਕ ਡਰੋਨ ਦੀ ਐਂਟਰੀ ਹੋਈ। ਪਾਕਿਸਤਾਨ ਦੇ ਵਲੋਂ ਆਏ ਇਸ ਡਰੋਨ ਨੂੰ ਬੀ. ਐਸ. ਐਫ. ਦੇ ਜਵਾਨਾਂ ਨੇ ਫਾਈਰਿੰਗ ਕਰਕੇ ਭਜਾ ਦਿੱਤਾ। ਇਸਤੋਂ ਬਾਅਦ ਬੁੱਧਵਾਰ ਦੀ ਸਵੇਰ ਬੀ. ਐਸ. ਐਫ. ਨੇ ਫਿਰੋਜਪੁਰ ਦੇ ਸਰਹੱਦੀ ਖੇਤਰ ਵਿਚ ਸਰਚ ਆਪ੍ਰੇਸ਼ਨ ਚਲਾਇਆ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਪਾਕਿਸਤਾਨ ਵਲੋਂ ਡਰੋਨ ਦੀ ਮਦਦ ਨਾਲ ਭਾਰਤੀ ਸਰਹੱਦ ਵਿਚ ਖੇਤਾਂ ਵਿਚ ਕੁੱਝ ਸ਼ੱਕੀ ਸਾਮਾਨ ਸੁੱਟਿਆ ਗਿਆ ਹੈ।
