Agency
ਨਵੀਂ ਦਿੱਲੀ, 08 ਜੂਨ । ਮਹਾਤਮਾ ਗਾਂਧੀ ਦੀ ਪੜਪੋਤਰੀ 56 ਸਾਲਾ ਅਸ਼ੀਸ਼ ਲਤਾ ਰਾਮਗੋਬਿਨ ਨੂੰ 60 ਲੱਖ ਰੁਪਏ ਦੀ ਧੋਖਾਧੜੀ ਅਤੇ ਜਾਲਸਾਜੀ ਦੇ ਦੋਸ਼ ਵਿੱਚ ਡਰਬਨ ਦੀ ਇੱਕ ਅਦਾਲਤ ਨੇ ਸੱਤ ਸਾਲ ਦੀ ਕੈਦ ਦੀ ਸਜਾ ਸੁਣਾਈ ਹੈ। ਸੋਮਵਾਰ ਨੂੰ ਅਦਾਲਤ ਨੇ ਇਸ ਮਾਮਲੇ ਵਿਚ ਆਪਣਾ ਫੈਸਲਾ ਸੁਣਾਇਆ। ਅਸ਼ੀਸ਼ ਲਤਾ ਰਾਮਗੋਬਿਨ ਦੱਖਣੀ ਅਫਰੀਕਾ ਵਿੱਚ ਰਹਿ ਰਹੀ ਹੈ।
ਅਸ਼ੀਸ਼ ਲਤਾ ਰਾਮਗੋਬਿਨ ‘ਤੇ ਕਾਰੋਬਾਰੀ ਐਸ ਆਰ ਮਹਾਰਾਜ ਨਾਲ ਧੋਖਾ ਕਰਨ ਦਾ ਇਲਜ਼ਾਮ ਲਗਾਇਆ ਗਿਆ ਸੀ, ਜਿਸ ਵਿਚ ਮਹਾਰਾਜ ਨੇ ਲਤਾ ਨੂੰ ਇਕ ਕੇਸ ਵਿਚ ਦਰਾਮਦ ਅਤੇ ਕਸਟਮ ਕਲੀਅਰ ਕਰਨ ਲਈ 60 ਲੱਖ ਰੁਪਏ ਦਿੱਤੇ ਸਨ। ਇਲਜਾਮ ਹੈ ਕਿ ਅਸ਼ੀਸ਼ ਲਤਾ ਨੇ ਇਹ ਰਕਮ ਮੁਨਾਫੇ ਦੇ ਲਾਲਚ ਨਾਲ ਲਈ ਸੀ, ਜਿਸ ਨੂੰ ਉਸਨੇ ਹੜੱਪ ਲਿਆ।
ਧਿਆਨ ਯੋਗ ਹੈ ਕਿ ਲਤਾ ਰਾਮਗੋਬਿਨ ਪ੍ਰਸਿੱਧ ਮਨੁੱਖੀ ਅਧਿਕਾਰ ਕਾਰਕੁਨ ਇਲਾ ਗਾਂਧੀ ਅਤੇ ਮਰਹੂਮ ਮੇਵਾ ਰਾਮਗੋਬਿੰਦ ਦੀ ਧੀ ਹੈ। ਆਸ਼ੀਸ਼ ਲਤਾ ਦੀ ਮਾਂ ਈਲਾ ਗਾਂਧੀ ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਕੰਮ ਕਰਨ ਲਈ ਕਈ ਵਾਰ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।