ਰਵਿੰਦਰ ਕੁਮਾਰ
ਚੰਡੀਗੜ੍ਹ , 26 ਅਕਤੂਬਰ : ਪੰਜਾਬ ਦੇ ਸਾਬਕਾ ਕੈਬਿਨੇਟ ਮੰਤਰੀ ਮਲਕੀਤ ਸਿੰਘ ਬੀਰਮੀ ਨੇ ਪੰਜਾਬ ‘ਚ ਆਉਣ ਵਾਲਿਆਂ 2022 ਦੀਆਂ ਚੋਣਾਂ ਲਈ ਤਿਆਰੀ ਖਿੱਚਦੇ ਹੋਏ ਬਣਾਈ ਨਵੀਂ “ਪੰਜਾਬ ਲੋਕਹਿਤ ਪਾਰਟੀ” I ਜਿਸ ਦੀ ਘੋਸ਼ਣਾ , ਅੱਜ ਚੰਡੀਗੜ੍ਹ ਪ੍ਰੈਸ ਕਲੱਬ ਵਿੱਖੇ ਕਰਦਿਆਂ ਬੀਰਮੀ ਨੇ ਕਿਹਾ ਕਿ , ਓਬੀਸੀ ਸਮਾਜ ਦੇ ਬਹੁਗਿਣਤੀ ਵਿੱਚ ਹੋਣ ਦੇ ਬਾਵਜੂਦ ਇਹਦੇ ਅਨਸੰਗਠਿਤ ਅਤੇ ਖਿੰਡਿਆ-ਪੁੰਡੀਆਂ ਹੋਣ ਕਰਕੇ , ਸਿਆਸੀ ਤੌਰ ਤੇ ਪਿਛੜਿਆ ਹੋਣ ਕਰਕੇ , ਵਿਕਟਮ ਸਫਰਰ , ਸ਼ੋਸ਼ਿਤ ਮਹਿਸੂਸ ਕਰਦੇ ਹੋਏ , ਇਨਸਾਫ ਲੈਣ ਦੀ ਕੋਸ਼ਿਸ਼ ਦੇ ਮਕਸਦ ਨਾਲ ਇਹ ਸਮਾਜ ਇੱਕ ਸਿਆਸੀ ਪਲੇਟਫਾਰਮ ਤੇ ਇਕੱਠਾ ਹੋਇਆ ਹੈ I ਤੇ ਸਟੇਟ ਦੀਆਂ ਲੱਗਭੱਗ 35 ਸੰਸਥਾਵਾਂ ਜਿਹੜੀਆਂ ਇਸ ਸਮਾਜ ਦੇ ਵੱਖੋ ਵੱਖਰੇ ਭਾਈਚਾਰਿਆਂ ਨਾਲ ਸੰਬੰਧ ਰੱਖਦਿਆਂ ਹਨ , ਨੇ ਆਪਸ ਵਿੱਚ ਬੈਠ ਕੇ ਇਹ ਫੈਸਲਾ ਕੀਤਾ , ਕਿ ਇੱਕ ਸਿਆਸੀ ਪਾਰਟੀ ਰਜਿਸਟਰ ਕਾਰਵਾਈ ਜਾਵੇ I ਜਿਸ ਲਈ ਤਕਰੀਬਨ ਇੱਕ ਸਾਲ ਤੋਂ ਮੀਟਿੰਗਾਂ ਚੱਲ ਰਹੀਆਂ ਸਨ I ਹੁਣ “ਪੰਜਾਬ ਲੋਕਹਿਤ” ਪਾਰਟੀ ਦੇ ਬੈਨਰ ਹੇਠ ਇਹ ਪਾਰਟੀ ਵਿਧਾਨ ਸਭਾ ਚੋਣਾਂ 2022 ਲਈ ਬੜੇ ਜ਼ੋਰ ਸ਼ੋਰ ਨਾਲ ਸ਼ਿਰਕਤ ਕਰ ਰਹੀ ਹੈ I ਅਤੇ ਇਹਨਾਂ ਸੰਸਥਾਵਾਂ ਨੇ ਮਹਿਸੂਸ ਕੀਤਾ ਕੇ ਓਬੀਸੀ ਸਮਾਜ ਦੇ ਹਰ ਫਿਕਰੇ ਲਈ ਸਰਕਾਰੀ ਸਕੀਮਾਂ ਬਣਦੀਆਂ ਹਨ ਪਰ ਇਨਹਾਂ ਸਕੀਮਾਂ ਦਾ ਫਾਇਦਾ ਇੱਕ ਸੀਮਿਤ ਵਰਗ ਹੀ ਚੁੱਕ ਜਾਂਦਾ ਹੈ I ਜੋਕਿ ਲੋੜਵੰਦ ਲੋਕਾਂ ਤੱਕ ਨਹੀਂ ਪਹੁੰਚਦਾ I ਸਮਾਜ ਅੰਦਰ ਇਸ ਘਾਟ ਨੂੰ ਦੂਰ ਕਰਨ ਲਈ ਅੱਜ ਇਸ ਪਾਰਟੀ ਦਾ ਗਠਨ ਕੀਤਾ ਗਿਆ ਹੈ , ਤਾਂਜੋ ਓਬੀਸੀ ਸਮਾਜ ਦੇ ਹਰ ਵਰਗ ਨੂੰ ਬਰਾਬਰ ਫਾਇਦਾ ਪਹੁੰਚਾਇਆ ਜਾ ਸਕੇ I