ਨਵੀਂ ਦਿੱਲੀ, 27 ਮਈ । ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਨੇ ਰਾਸ਼ਟਰੀ ਰਾਜਧਾਨੀ ਦੀ ਕੇਜਰੀਵਾਲ ਸਰਕਾਰ ’ਤੇ ਕੋਰੋਨਾ ਤੋਂ ਬਚਾਅ ਕਰਨ ਲਈ ਸੁਸਤ ਰਫਤਾਰ ਨਾਲ ਟੀਕਾਕਰਣ ਕਰਵਾਉਣ ਦਾ ਦੋਸ਼ ਲਗਵਾਉਂਦਿਆਂ ਕਿਹਾ ਕਿ ਦਿੱਲੀ ਸਰਕਾਰ ਕੋਲੋਂਪ੍ਰਾਈਵੇਟ ਹਸਪਤਾਲਾਂ ਨੇ ਟੀਕਿਆਂ ਦੀ ਖਰੀਦ ਕੀਤੀ ਹੈ।
ਬੀਜੇਪੀ ਦੇ ਬੁਲਾਰੇ ਸੰਬਿਤ ਪਾਤਰਾ ਨੇ ਵੀਰਵਾਰ ਨੂੰ ਇਕ ਵਰਚੁਅਲ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਦਿੱਲੀ ਵਿਚ ਹੁਣ ਤਕ 52 ਲੱਖ ਲੋਕਾਂ ਨੂੰ ਟੀਕਾ ਲਗਾਇਆ ਜਾ ਚੁੱਕਾ ਹੈ। ਅੰਕੜਿਆਂ ਦੇ ਅਨੁਸਾਰ, ਸਿਰਫ 13 ਪ੍ਰਤੀਸ਼ਤ ਲੋਕਾਂ ਨੂੰ ਹੀ ਦਿੱਲੀ ਸਰਕਾਰ ਨੇ ਟੀਕਾ ਲਗਾਇਆ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੇ 45 ਲੱਖ ਤੋਂ ਵੱਧ ਟੀਕੇ ਦਿੱਲੀ ਨੂੰ ਮੁਫਤ ਦਿੱਤੇ ਹਨ। ਇਸ ਤੋਂ ਇਲਾਵਾ, ਦਿੱਲੀ ਸਰਕਾਰ ਨੇ 8 ਲੱਖ ਟੀਕੇ ਸਿੱਧੇ ਕੰਪਨੀਆਂ ਤੋਂ ਖਰੀਦੇ ਹਨ। ਜਦੋਂ ਕਿ ਨਿੱਜੀ ਹਸਪਤਾਲ ਆਪਣੇ ਤੌਰ ‘ਤੇ 9 ਲੱਖ ਤੋਂ ਵੱਧ ਟੀਕੇ ਖਰੀਦ ਚੁੱਕੇ ਹਨ।
ਪਾਤਰਾ ਨੇ ਕਿਹਾ ਕਿ ਵਿਰੋਧੀ ਧਿਰ ਵੱਲੋਂ ਇਹ ਭਰਮ ਫੈਲਿਆ ਹੋਇਆ ਹੈ ਕਿ ਕੇਂਦਰ ਸਰਕਾਰ ਬਾਹਰੋਂ ਟੀਕਾ ਲਿਆਉਣ ਲਈ ਢੁਕਵੇਂ ਕਦਮ ਨਹੀਂ ਚੁੱਕ ਰਹੀ। ਸੱਚਾਈ ਇਹ ਹੈ ਕਿ ਭਾਰਤ ਸਰਕਾਰ ਪਿਛਲੇ ਸਾਲ ਦੇ ਅੱਧ ਤੋਂ ਟੀਕੇ ਦੀ ਦਰਾਮਦ ਲਈ ਪੂਰੀ ਤਰ੍ਹਾਂ ਨਾਲ ਜੁਟੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਦੀ ਗੱਲਬਾਤ ਦਾ ਨਤੀਜਾ ਇਹ ਹੋਇਆ ਹੈ ਕਿ ਰੂਸ ਦਾ ਸਪੁਤਨਿਕ ਟੀਕਾ ਭਾਰਤ ਲਿਆਂਦਾ ਗਿਆ ਹੈ ਅਤੇ ਡਾਕਟਰ ਰੈਡੀ ਲੈਬ ਨਾਲ ਇਸ ਦਾ ਉਤਪਾਦਨ ਭਾਰਤ ਵਿਚ ਕਿਵੇਂ ਵਧਾਇਆ ਜਾਵੇਗਾ, ਹੁਣ ਉਹ ਟੈਕਨਾਲੌਜੀ ਵੀ ਭਾਰਤ ਲਿਆਂਦੀ ਜਾਵੇਗੀ।
ਭਾਜਪਾ ਦੇ ਬੁਲਾਰੇ ਨੇ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਨੇ ਇਹ ਕਹਿ ਕੇ ਭੰਬਲਭੂਸਾ ਪੈਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਕਿ ਦੇਸ਼ ਬੱਚਿਆਂ ਨੂੰ ਟੀਕੇ ਨਹੀਂ ਦੇ ਰਿਹਾ ਸੀ। ਉਨ੍ਹਾਂ ਕਿਹਾ ਕਿ ਟੀਕਾਕਰਨ ਇਕ ਵਿਗਿਆਨਕ ਤਰੀਕਾ ਹੈ, ਵਿਸ਼ਵ ਵਿਚ ਕਿਤੇ ਵੀ ਬੱਚਿਆਂ ਨੂੰ ਕੋਈ ਟੀਕਾ ਨਹੀਂ ਦਿੱਤਾ ਜਾ ਰਿਹਾ ਹੈ। ਇਸ ਸਮੇਂ ਇਸ ਦੀ ਅਜਮਾਇਸ਼ ਚੱਲ ਰਹੀ ਹੈ। ਇਹ ਟਰਾਇਲ ਭਾਰਤ ਵਿੱਚ ਜਲਦ ਤੋਂ ਜਲਦ ਸ਼ੁਰੂ ਹੋ ਰਿਹਾ ਹੈ।