JS Klair
ਜ਼ੀਰਕਪੁਰ, 2 ਅਗਸਤ (ਜੇ ਐੱਸ ਕਲੇਰ) ਜ਼ੀਰਕਪੁਰ ਪੁਲਿਸ ਨੇ ਪਿੰਡ ਛੱਤ ਵਿਚ ਉਸਾਰੀ ਅਧੀਨ ਇਕ ਸੁਸਾਇਟੀ ਦੀ ਕੰਸਟਰਕਸ਼ਨ ਸਾਈਟ ਤੋਂ ਲੋਹੇ ਦੀਆਂ ਸਟਰਿੰਗ ਪਲੇਟਾਂ ਚੋਰੀ ਕਰਨ ਦੀ ਸ਼ਿਕਾਇਤ ‘ਤੇ ਆਟੋ ਦੇ ਨੰਬਰ ਦੇ ਅਧਾਰ ਤੇ ਦੋ ਅਣਪਛਾਤੇ ਚੋਰਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਗਗਨ ਸਿੰਘ ਪੂਤਰ ਹੁਕਮ ਸਿੰਘ ਵਾਸੀ ਪਿੰਡ ਭਗਵਾਈ ਚਲੇਰਾ ਜਿਲ੍ਹਾ ਚੰਭਾ ਨੇ ਦੱਸਿਆ ਕਿ ਉਹ ਹਰੀਸ ਗੋਇਲ ਦੇ ਕੋਲ ਨੌਕਰੀ ਕਰਦਾ ਹੈ। ਹਰੀਸ ਪਿੰਡ ਛੱਤ ਵਿਖੇ ਹਾਈਟੈਕ ਸਿਟੀ ਕਾਲੋਨੀ ਬਣਾਕੇ ਪਲਾਟ ਵੇਚ ਰਿਹਾ ਹੈ ਜਿੱਥੇ ਸਾਰਾ ਕੰਮ ਉਸਦੀ ਸੁਪਰਵਿਜਨ ਵਿੱਚ ਹੋ ਰਿਹਾ ਹੈ। ਅਤੇ ਸੁਸਾਇਟੀ ਦੀ ਬਾਊਡਰੀ ਵਾਲ ਬਣਾਈ ਜਾ ਰਹੀ ਹੈ ਜਿੱਥੇ ਲੋਹੇ ਦੀਆ ਸਟਰਿੰਗ ਦੀਆ ਪਲੇਟਾ ਅਤੇ ਹੋਰ ਕਾਫੀ ਸਟਰਿੰਗ ਦਾ ਸਮਾਨ ਪਿਆ ਹੈ। ਸੁਸਾਇਟੀ ਵਿੱਚੋ ਕਾਫੀ ਦਿਨਾ ਤੋ ਸਮਾਨ ਚੋਰੀ ਹੋ ਰਿਹਾ ਸੀ। ਹੁਣ ਉਸਨੂੰ ਪਤਾ ਲੱਗਾ ਕਿ ਸੁਸਾਇਟੀ ਵਿੱਚੋਂ ਲੋਹੇ ਦੀਆਂ ਸਟਰਿੰਗ ਦੀਆ ਪਲੇਟਾ ਚੋਰੀ ਹੋ ਗਈਆ ਹਨ। ਉਸਨੇ ਚੋਰੀ ਹੋਏ ਸਮਾਨ ਦੀ ਆਪਣੇ ਤੌਰ ਤੇ ਭਾਲ ਕੀਤੀ ਤਾਂ ਉਸਨੂੰ ਪਤਾ ਲੱਗਾ ਕਿ ਉਸਦੀ ਸੁਸਾਇਟੀ ਵਿੱਚੋ ਆਟੋ ਜਿਸਨੂੰ ਇੱਕ ਮੋਨਾ ਵਿਅਕਤੀ ਚਲਾ ਰਿਹਾ ਸੀ ਤੇ ਇੱਕ ਔਰਤ ਜਿਸਨੇ ਪੀਲੇ ਰੰਗ ਦਾ ਸੂਟ ਪਾਇਆ ਸੀ ਲੋਡ ਕਰਕੇ ਲੈ ਗਏ। ਉਸਨੇ ਆਪਣੇ ਲੋਹੇ ਦੀਆ ਪਲੇਟਾ ਦੀ ਚੈਕਿੰਗ ਕੀਤੀ ਤਾਂ 11 ਪਲੇਟਾ ਘਟ ਸਨ ਜੋ ਉਕਤ ਦੋਸੀਆਨ ਚੋਰੀ ਕਰਕੇ ਲੈ ਗਏ ਹਨ। ਪੜਤਾਲੀਆ ਅਫਸਰ ਏਐਸਆਈ ਜਰਨੈਲ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਦੀ ਸ਼ਿਕਾਇਤ ‘ਤੇ ਆਟੋ ਦੇ ਨੰਬਰ ਦੇ ਅਧਾਰ ‘ਤੇ ਦੋ ਅਣਪਛਾਤੇ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰਕੇਦੋਸ਼ੀਆਂ ਨੂੰ ਕਾਬੂ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਗਈ ਹੈ।
