Parmeet Mitha
ਚੰਡੀਗੜ੍ਹ :: ਨਗਰ ਨਿਗਮ ਨੇ 172 ਆਸਾਮੀਆਂ ਲਈ ਭਰਤੀ ਕਰਨ ਦਾ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। 8 ਅਪ੍ਰੈਲ ਤੋਂ ਕੋਈ ਵੀ ਇਸ ਲਈ ਅਪਲਾਈ ਕਰ ਸਕਦਾ ਹੈ। ਨਗਰ ਨਿਗਮ ਦੀ ਵੈਬਸਾਈਟ ’ਤੇ ਆਨਲਾਈਨ ਹੀ ਅਪਲਾਈ ਕਰਨਾ ਹੋਵੇਗਾ। ਪੰਜ ਮਈ ਤਕ ਅਪਲਾਈ ਕਰਨ ਦੀ ਆਖਰੀ ਤਰੀਕ ਤੈਅ ਕੀਤੀ ਗਈ ਹੈ। ਅਪਲਾਈ ਕਰਨ ਤੋਂ ਬਾਅਦ ਲਿਖਤ ਪ੍ਰੀਖਿਆ ਲਈ ਜਾਵੇਗੀ। ਜਿਨ੍ਹਾਂ 172 ਆਸਾਮੀਆਂ ਲਈ ਭਰਤੀ ਹੋਣੀ ਹੈ, ਉਸ ਵਿਚ 68 ਜਨਰਲ ਕੈਟਾਗਰੀ ਦੀਆਂ ਹਨ।ਪੰਜਾਬ ਯੂਨੀਵਰਸਿਟੀ ਹੀ ਮੁਲਾਜ਼ਮਾਂ ਦੀ ਭਰਤੀ ਦੀ ਪ੍ਰਕਿਰਿਆ ਕਰੇਗਾ। ਲੰਬੇ ਸਮੇ ਬਾਅਦ ਨਗਰ ਨਿਗਮ ਵਿਚ ਪੱਕੇ ਮੁਲਾਜ਼ਮਾਂ ਦੀ ਭਰਤੀ ਕੀਤੀ ਜਾਵੇਗੀ।
172 ਮੁਲਾਜ਼ਮਾਂ ਵਿਚ 41 ਕਲਰਕਾਂ ਦੀਆਂ ਅਸਾਮੀਆਂ ਹਨ। 81 ਫਾਇਰਮੈਨ ਦੀਆਂ ਆਸਾਮੀਆਂ ਹਨ ਜਦਕਿ ਬਾਕੀ ਜੇਈ, ਡਰਾਫਟਮੈਨ, ਜੂਨੀਅਰ ਡਰਾਫਟਮੈਨ, ਕਬਜ਼ਾ ਹਟਾਓ ਦਸਤੇ ਲਈ ਸਬਇੰਸਪੈਕਟਰ ਅਤੇ ਐਸਡੀਓ ਦੇ ਅਹੁਦੇ ਵੀ ਸ਼ਾਮਲ ਹਨ। ਜ਼ਿਕਰਯੋਗ ਹੈ ਕਿ ਇਸ ਸਮੇਂ ਨਗਰ ਨਿਗਮ ਨੇ ਅਸਥਾਈ ਤੌਰ ’ਤੇ ਕੰਪਨੀ ਵਿਚ ਮੁਲਾਜ਼ਮਾਂ ਨੂੰ ਰੱਖਣ ਦੀ ਪਾਬੰਦੀ ਲਾਈ ਹੋਈ ਸੀ। ਪੀਯੂ ਇਨ੍ਹਾਂ 172 ਆਸਾਮੀਆਂ ਲਈ ਪ੍ਰੀਖਿਆ ਕਰਵਾਏਗਾ। ਇਨ੍ਹਾਂ ਆਸਾਮੀਆਂ ਨੂੰ ਭਰਨ ਲਈ ਪ੍ਰਸ਼ਾਸਨ ਦੇ ਲੋਕਲ ਬਾਡੀ ਸਕੱਤਰ ਤੋਂ ਮਨਜ਼ੂਰੀ ਮਿਲ ਗਈ ਹੈ। ਇਸ ਸਮੇਂ ਕਈ ਵਿਭਾਗਾਂ ਵਿਚ ਮੁਲਾਜ਼ਮਾਂ ਦੀ ਭਾਰੀ ਕਮੀ ਹੈ। ਇਸ ਸਬੰਧ ਵਿਚ ਨਗਰ ਨਿਗਮ ਵੱਲੋਂ ਕਿਹਾ ਗਿਆ ਕਿ ਭਰਤੀਆਂ ਜ਼ਰੀਏ ਖਾਲੀ ਆਸਾਮੀਆਂ ਨੂੰ ਭਰਨ ਨਾਲ ਨਗਰ ਨਿਗਮ ਕੰਮਾਂ ਨੂੰ ਗਤੀ ਮਿਲੇਗੀ।
ਇਨ੍ਹਾਂ ਆਸਾਮੀਆਂ ਲਈ ਹੋਵੇਗੀ ਭਰਤੀ ਕੁਲ ਗਿਣਤੀ
ਐਸਡੀਓ ਸਿਵਲ 01
ਐਸਡੀਓ ਬਾਗਬਾਨੀ 02
ਅਕਾਉਂਟੈਂਟ 02
ਸਬ ਇੰਸਪੈਕਟਰ 06
ਜੇਈ ਸਿਵਲ 04
ਜੇਈ ਬਾਗਬਾਨੀ 02
ਜੇਈ ਜਨਸਿਹਤ 05
ਜੇਈ ਬਿਜਲੀ 02
ਡਰਾਫਟਮੈਨ 06
ਕਲਰਕ 41
ਸਟੈਨੋ ਟਾਈਪਿਸਟ 05
ਡਾਟਾ ਐਂਟਰੀ 02
ਪਟਵਾਰੀ 01
ਬਾਗਬਾਨੀ ਸੁਪਰਵਾਈਜ਼ਰ 02
ਜੂਨੀਅਰ ਡਰਾਫਟਮੈਨ 03
ਕੰਪਿਊਟਰ ਪ੍ਰੋਗਰਾਮਰ 01
ਲਾ ਅਧਿਕਾਰੀ 01
ਫਾਇਰਮੈਨ 81
ਚਾਲਕ 04
ਫਾਇਰ ਅਧਿਕਾਰੀ 01
